Children's Conference 2019

Umeldung bis de 5. NovembeR 2019

 

D’Plaze si begrenzt op 80 Kanner an 30 Erwuessener.

Du bass wichteg!

20190809 Kannerkonferenz Poster

Am Kader vum 30-järegen Anniversaire vun der UN-Kannerrechtskonventioun, lueden Iech de Kannerbureau Wooltz an den Zentrum fir politesch Bildung mat hire Partner op déi 1. Kannerkonferenz zu Lëtzebuerg an!

 

Am Mëttelpunkt stinn d’Kanner an hir Rechter - virun allem d’Recht op Meenungsäußerung an d’Matentscheeden. No enger spillerescher Aleedung moies, ginn d’Kanner an d‘Erwuessener am Nomëtteg selwer aktiv. Dësen Dag ass dofir do, datt Kanner an Erwuessener entdecken wat Participatioun fir si bedeit, an zu Froe wéi „Firwat sinn ech wichteg?“ a „Wou ginn ech gehéiert?“ zesummen Äntwerte fannen.

 

Éducateuren an Éducatricen aus de Maison Relais sinn ageluede mat engem Grupp vu Kanner un dëser Konferenz deelzehuelen. D’Veranstaltung kann als Formation Continue ugerechent ginn (Validation no.2019_07_ANB_060).

 

 

Programm Chico 2019

ZÄIT Programm
9:30 Check-in
10:00 Begréissung
10:30 Opwiermübung: Jonker spille Sketcher zum Thema
10:45 Opwiermübung: World Café (a klenge Gruppen)
11:35 Ofschloss vum Moiesprogramm (all zesummen)
12:00 Mëttegiessen
13:00 Erëffnung vum Mëttesprogramm mat engem Energizer
13:15 Aleedung an den Open Space
14:00 Open Space
15:30 Ofschloss vum Mëttesprogramm (all zesummen)
16:00 Check-out

 

World Café

D‘Format World Café erlaabt an engem entspaante Kader een Dialog tëscht Leit z‘erméiglechen, déi sech net gutt kennen. D’Participante sëtzen a klenge Gruppen a schwätzen iwwert eng Fro oder een Thema, wat virgin gëtt. No enger kuerzer definéierter Zäit tauschen d’Leit Plazen an d’Thema gëtt gewiesselt, soudass si an neie Gruppen een neit Gespréich kënne féieren.

Op der ChiCo 2019 wäerten an engem World Café Froen aus dem Theater opgegraff ginn. Ee Moderator gëtt Froe ronderëm d’Thema Participatioun un a leed soumat d’Gespréich an de Gruppen. Et wäert Material op der Plaz sinn, fir den Austausch méi kreativ ze gestalten.

Open Space

D‘Format Open Space reegt och den Austausch un, mee gëtt bedeitend méi Fräiraum fir Eegeninitiativ an eegen Interessen. Een eidelen Zäitplang mat der Unzuel vun Atelieren gëtt vum/vun der Moderator/-trice virbereet. Doropshi kann all Participant selwer een Atelier ubidden oder en Thema virschloen, wouriwwer hien/hat sech gäre géing austauschen. Participante kënnen aktiv oder passiv un den Atelieren deelhuelen an et kann een och zu all Moment den Atelier wiesselen. Och hei wäert Material zur Verfügung stoe fir de kreative Prozess z‘ënnerstëtzen.

Dateschutz

Är Donnéeë gi just fir d’Organisatioun a vum Team vun der ChiCo 2019 benotzt. Si gi mat kenger drëtter Persoun gedeelt an nom 16. November 2019 geläscht.

 

Op der ChiCo 2019 wäerte Fotoen a Videoe gemaach gi fir de Projet ze dokumentéieren. Dat Bildmaterial ka fir Ëffentlechkeetsaarbecht vun den Organisatiounspartner benotzt ginn. Éducateuren an Éducatricen aus de Maisons Relais kréien no der Umeldung ee Formulaire gemailt, wou d'Eltere vun de Kanner kënnen hiren Accord ginn oder net. Participanten, déi ouni Maison Relais kommen, kënnen dee Formulaire op der Plaz ausfëllen. 

Kontakt

+ 352 95 92 05 97

 

Méi Informatiounen iwwert d’Kannerrechter fann dir HEI.

mat der Ënnerstëtzung vun:

kabu
zpb
menje
snj
jugendbureau
ork
unicef
kannergerecht